Hi...我係柏羽呀....

7月10日，我個好朋友Betty生左個b...改左名叫柏羽...英文名Matthew...我就係7月19日先去睇bb...果日同佢影相佢本來已經好眼訓... 但我尼個百厭既Kiran姨姨點會放過你先得架...起身呀...影返幾張相比Jen姨姨同Ana姨姨睇架....

柏羽: 各位Auntie uncle... 我係柏羽呀....hello! 我係7月10日出世架....記得買生日禮物比我喇!

我係奧運火炬手 I am Olympic Torch Bearer

估唔到我可以親手攞住尼支火炬......想知點解? 問我啦.....

我一攞住支火炬...我就認唔住唱: We are ready....

我同事聽完笑到影唔到相...

大口仔大口妹結婚公仔

各位觀眾....萬眾其待既大口仔結婚公仔終於面世喇....我之前仲諗緊點先可以有一對大口仔結婚公仔....一度叫人用冷織一對出黎.....什至有鋪頭用一對大口仔...將其中一隻著上婚紗就當左佢係女仔...我唔要攪基大口仔呀!!! 好彩而家出左"堅"既大口仔大口妹結婚...以我估計...遲d會出埋其他大口仔結婚product....好祈待呀....唔知澳門幾時有得買呢? 大家行開街見到記得話我知...

自製旅行短片 - 溫哥華之旅

我用左一晚時間整左以係尼條片....記載左我同輝輝係溫哥華的甜蜜照片...quality會唔係太好因為放上網既file唔可以太大....不過希望大家都可以細心欣賞啦 ^_^

ps: 我自己睇返都覺得好sweet :p

台灣之旅

三月份同四月份去左兩個遊行...玩得太開心，都未收拾心情，所以都未有時間分享比大家...好...今日就先將我去台灣既快樂片段比大家...

其實今次去台北除左玩之外別外一個行程就係輝輝去打羽毛球比賽。佢好耐冇打波所以一d都唔勁...亦抱住玩玩下既心情去比賽...

我地果日訓到包先起身食野....我地既早餐 (需然已經11點幾...)就係食紅蟹將軍....超正...因為有長腳蟹、凍蟹、扇貝等...... 仲要係任食...汽水任飲.....我地因為果日係平日所以成個早餐都係包場。550台幣食左個咁豐富的早餐...正!!

食飽飽就去左國父紀代館參觀。之後仲睇埋軍人轉班....佢地步操係好正整...耍槍耍得好有型....

夜晚我地去左士林夜市到行街街.... 之後就去左遊戲區到玩"九宮格"....非常難玩....之後就玩射波波...我同輝輝一人十支.....佢好比機咁喵準....我就同佢講: "唉...算打啦...你喵完又咪係唔中"...講完之後我就好隨意咁射....點知比我中左.... 最後個比數係 7:1...我大獲全勝..hohoho.... 最後就去左夾公仔....台灣有好多夾公仔機....而且夾到既機會率比較高....輝輝就夾左一對米奇比我喇...yeah~

第二日去左新北投到泡溫泉....係溫泉旅店到影左d相.....

去到台灣梗係要去參觀世界上最高既101大樓啦....聽聞杜拜就黎起好一個比101更高既搭....嗯...杜拜d野咁貴....睇黎都係冇機會去架喇....

之後去左饒河夜士.... 輝輝在球場上... 係台灣認識既小朋友: 小華同小軒

走果日係西門町見到吳克群.... 然後就不停唱...什麼東西什麼西東西吓....什麼東西什麼東西什麼東西耶....

Be your superman (幸福超人)

尼首歌d歌詞好正呀.....

(看著我的眼睛 仔細聽我說明
用心去體會 我的情意
月亮代表我的心 流星證明我的情
從今天開始 我只屬於你)

★輕輕的牽著你的手 結婚進行曲歌頌
天使般 YOU’RE SO BEAUTIFUL
等不及到下一秒鐘 想要大聲對你說
WILL YOU MARRY ME? YES I DO
看 從前的笑與淚 讓我們緊緊相依
盼 兩人世界裡總有滿滿的甜蜜

★LET ME BE YOUR SUPERMAN
幸福都滿點 洋溢你我之間
LET ME BE YOUR SUPERMAN
陪在你身邊 一直到永遠

★昔日的愛似假非真 我總是不太認真
今日卻遇見夢中人
終成眷屬的有情人 值得珍惜的過程
有你的人生才完整
念 每分每秒都想見到你是否太誇張
戀 深愛著對方是共同的信仰

☆疼你寵你不會騙你 不氣你不罵你相信你
永遠陪著你開心 在我的心裡 就只有你

☆RAP
我想盡所有辦法製造浪漫的情調
卻掩飾不了體內越來越快的心跳
囉唆 不願再錯過 就算前方是墳墓
我也決定墮落
隨時隨地出現在你需要我的時刻
為了你失去一切我想那也都值得
BABY 我只願為你
你就是我的唯一

皆大歡喜

經過兩日既商議，終於係今日 (2月24日)做了最後confirmation. 最開心係因為有霍姑娘既幫助，成功爭取到我地想要既野，仲要upgrade埋添。低請佢食飯。而家物價實在太貴了..... 唔講下價真係唔掂。今次真係出路遇貴人..... 一夜之間就可以將事情扭轉.....太好了....太好了.....大家皆大歡喜!

講左喇...

2月22日晚: 終於講左喇..... 了左件心事..... 好順利...我諗都已經預左喇.....yeah!

橫財就手...恭喜恭喜

小麒麟久吾久都買下六合彩玩下，尤其是係有金多寶果期都會買返一張半張碰下運氣，但從來都係最多中三個字 (即係中廿蚊雞)。係新年之前我見有新年金多寶，又咁岩我細老過香港，就自己劃左幾個號碼，比細老去買，一次買夠十期。平時既我都係好隨意咁寫幾組號碼就算，不過今次就唔知發咩神經特登上左香港馬會既網站，睇下過去出得最少幾號碼係邊幾個。抄晒d號碼之後就一頭一尾咁數六個字，岩岩好砌到三組，另外一組就用左我自己既心水號碼(什麼生日呀，紀念日呀，年齡呀等)。最後就得出如下圖的十期六合彩。雖然金多寶冇中，但出乎意料之外，我竟然中左四次!!!而有三次係中四個字!!!我從來都未中過四個字，連中兩次我都以為我睇錯，點知今日再對時又中....我都有d覺得自己好有橫財。新年都未過就已經中左幾次六合彩，真係一個非常好既開始。中四個字即係幾多$$$? 其實唔係好多，四個字只係得定額三百二十蚊，咁而家中三次四個字再加一次三個字都只不過係980蚊，再減返我之前買果二百蚊都係中左780蚊。所以大家唔好叫我請食飯喇....中左六合彩唔係你地想象中咁多錢架咋.....

ps: 原來中四個半字個金額已經差好遠喇.....四個半字就有四千八......比我中一次就夠喇.....

ps2: 我其實仲有一期未開架....有少少緊張添

ps3: 大家記唔記得我上年新年又有中獎呀....中左一千蚊八百伴禮卷.....係咪好jealous我呢...hohoho :p

結婚預備班

太懶了....太懶了.....實在太耐冇寫blog喇....今日無論如何都要寫少少野....寫咩好.....嗯.....就不如講下我尼期做咩多啦....

我最近常常接觸的話題/東西就是"結婚"。霍姑娘今年11月結婚，所以已經開始左佢既大 project...第一步就係影相。佢既結婚相一共分開了兩次黎影，一次係大陸影，一次係澳門影。而我作為佢既好姊妹兩次都有份去幫佢做形象顧問+助理+阿四+攝影師+配音員+走光測試器+提款機+搜查員+神探 (最尾個兩項係有特別原因.....)。而揀相尼個活動都係上個星期攪掂埋添....千期唔好睇少揀相尼個過程....因為我地足足用左5個幾鐘先完成任務。其間我又化身為精算師....同佢左計計右計計。但我發覺當面對尼種"一生人一次"既東西，我都唔知咩先係最低。以正常既判斷更係唔買額外既相係最好啦.....但當你諗到"唔買就冇架喇"....又會覺得"唔爭在啦"....真係幾矛盾....唔知我第二時影結婚相時會唔會失理智呢?

除左尼兩次影相+揀相外，我仲參加左兩次揀鑽石活動。不過今次係跟我同事去見識下。同事A是一位富貴師奶，成日都同我講有關鑽石保值既道理。而家連同事C都加入埋佢既行列.....齊齊研究鑽石既份數、顏色、淨度等，就連切割既種類我都學左少少 (我岩岩學識咩係八心八箭既切割)。同事A成日同我講而家睇定結婚介指就咁架喇.... d鑽石越黎越貴..... 我睇完之後，都有幾款都覺得幾靚，不過就太貴了.....始終唔會捨得買。

經過尼兩次影相及鑽石實地調查，我已經心中有數我要D咩lu.....順帶一提一個小故事，係由同事A提供既: 外國人結婚買求婚介子既大小係有公式去計既，尼條公式就係: 佢地人工既3陪呀!!!! 三陪 $_$ !!!!! 太誇張喇!!!